SUGDAN na karong September 13 ang Pista ng Pelikulang Pilipino (PPP), diin makita sa mga sinehan ang 10 ka mga pelikula nga nisalmot niini.
Sa miaging semana nahisgutan na nako ang duha, ang “The Panti Sisters” nilang Paolo Ballesteros, Martin del Rosario ug Christian Bables ug ang “Open” nilang JC Santos ug Arci Muñoz.
Hisgutan nato ang nahibiling walo. Kini mao ang “Cuddle Weather” nilang Sue Ramirez ug RK Bagatsing, nga medyo seksi ang dating.
Ikaduha, ang “LSS (Last Song Syndrome)" nilang Gabbi Garcia ug Khalil Ramos nga mga struggling dreamer sa maong lilas.
Ikatulo, ang mag-ex nga Iñigo Pascual ug Maris Racal sa “I’m Ellenya L”. Usa ka vlogger ug nagpaka-social media influencer dinhi ang dalaga. May eksena pa dinhi nga anaa silang Mayor Isko Moreno ug senador Manny Pacquiao.
Ikaupat, ang “G!” sa Cineko production nga gibitoonan nilang McCoy de Leon, Mark Oblea, Paolo Angeles ug Jameson Blake.
Ang “G” ang termino sa mga kabataan karon nga may buot ipasabot nga game or go, istorya sa bonding sa managbarkada, hangtud nga makat-onan nila ang value sa pamilya.
Naa usab dinhi silang Dominic Roque, Rosanna Roces, Joey Marquez, Precious Lara Quigaman, Jao Mapa, Gio Alvarez, Roxanne Barcelo, Kira Balinger, Moi Bien, Allora Sasam ug uban pa sa direksyon ni Dondon Santos.
Samtang mahitungod sa usa ka assassin ang istorya sa “Watch Me Kill” diin bida silang Jean Garcia ug Jay Manalo.
Ikaunom, ang “Circa” nilang Anita Linda, Laurice Guillen, Jaclyn Jose, Elizabeth Oropesa, Ricky Davao ug Enchong Dee ug dunay special participation si Eddie Garcia.
Ang katapusang duha ka mga pelikula mao ang “Lola Igna” ni Meryll Soriano ug Ma. Isabel Lopez ug ang “Pagbalik” nilang Gloria Sevilla, Suzette Ranillo ug Vince Ranillo.
Mao ni ang tanang 10 ka mga pelikula nga makita nato sa Pista ng Pelikulang Pilipino. Kamo na lay pili kon unsay inyong tanawon. Mabuhay ang pelikulang Pilipino, ay’g saba!