SUPERBALITA CEBU

Nalzaro: Espisyal nga katungod sa mga LGBT

Saksi

GUMIKAN sa demanda sa mga sakop sa Lesbian, Gay, Bi-sexual and Transgender (LGBT) nga gikinahanglan nga mobutang og comfort rooms ang mga establisamento alang kanila, aduna nay pipila ka mga establishment owners nga mituman. Dinhi lang sa ato, ang Cebu City Police Office (CCPO) mibutang na og upat ka klase sa comfort rooms. Ang alang sa mga babaye, lalaki ug duha sa ‘neutral gender’. Depende kon asa mosulod ang mga tomboy ug mahuyang sa ‘neutral gender’ CR.

Pinaagi niini, dili ba makiglalis ang mga mahuyang ug tomboy kon asa sila mosulod? Kon wala kini ang mga mahuyang o transgender, adto sila mopugos sa pagsulod sa mga female CR. Unya kuyawan man ang tinud-anay nga mga babaye kay basin nagpabayot-bayot lang apan mopahimulos diay. Samtang ang tomboy, magpanagana nga mosulod CR sa mga lalake. Kuyawan pod sila kay basin pahimuslan.

Karon ang mga LGBT mo-demanda na usab nga sa birth certificate inig katawo sa bata dili una ipabutang sa gender kon male o female ba. Apil kining maong aspeto aning kontrobersiyal nga Sexual Orientation and Gender Identity or Expression (Sogie) bill nga gidebatihan karon sa Kongreso. Anha na kuno ipabutang ang gender inig kadako na sa bata, diin makita kon di ba siya mahuyang o tomboy. Kon medyo mahuyang ibutang nga gay o transgender. Kon tomboyon, ibutang nga lesbian siya.

Para nako morag dili naman ni mao, sobra naman kaayo ning demanda nila. Sa sinugdanan baya, sa dihang gihimo sa Ginoo ang tawo, duha ra baya kaklase, lalake ug babaye. Kana kon Bibliya ang atong basihan. Apan kon sa Science, ang tawo, matod pa, gikan sa aliwas. Kon gikan sa aliwas ang tawo, aw, aduna na siguro bayot o tomboy nga aliwas niadtong higayona.

Kon di paminawon ang ilang demanda, mo-ingon dayon sila nga discrimination. Anaa man gyud kining discrimination kanunay. Bisan sa pagpili og partner sa kinabuhi naa may discrimination. Aber, nganong mopili man og guapa nga partner ang lalake o guapo ang babaye? Kon walay discrimination, aw, bisan kinsa na lang atong higugmaon. Igo naman siguro kining pag-ila o pag-recognized sa third sex karon. At least, accepted na sila sa atong katilingban. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph