ANG top seed Samantha Baran sa Philippine Women’s College (PWC) of Davao ug fifth seed Cirell Ross Barcelo sa San Pedro College (SPC) miangkon sa elementary girls ug boys titles, sa Dacs Sportsfest 2019 chess competition nga gihimo sa Davao Association of Catholic Schools (Dacs) office sa Juna Subdivision, Matina, Davao City.
Si Baran nakalingkawas kontra five-pointers Tiffany Lauren Chan sa Stella Maris Academy of Davao (Smad) ug Ayn Beley sa University of the Immaculate Conception (UIC) uban ang maayong tiebreaks aron lampurnason ang distaff side.
Si Baran napildi lamang kang Chan sa fifth round apan midaug siya kontra St. Peter’s College of Toril’s Dione Eva Faller ug Mitch Lauren Clavis, Jade Parise Bolaños sa Philippine Women’s College of Davao (PWC), Beley ug Venice Go sa Ateneo de Davao University (Addu).
Si Barcelo, miangkon sa superior tiebreaks aron unhan ang 5.0 scorers Sherwin Saludo sa Holy Cross College of Calinan (HCCC) ug Ryle Jacob Villasfer sa UIC nga nabutang sa ikaduha ug ikatulong pwesto.
Sa secondary division, si Smad’s Blanche Ellyz Bongato ug SPC’s Alisa Tabudlong miiskor og lima ka puntos aron manguna sa girls event.