SUPERBALITA DAVAO

Saludo Kami: Pagserbisyo sa nanginahanglan

ANG pagtabang ngadto sa nanginahanglan ang anaa kanunay sa kasingkasing ni Dr. Luz P. Acosta-Barrientos, diin ang mipanaw niyang amahan, Dr. Faustino B. Acosta Sr., giilang “people’s doctor” nga nagsilbi sa masa partikular sa Toril, Davao City.

Mga manok, preskong prutas, gulay ug ubang nag-unang panginahanglanon ang sagad ginabayad kaniya inay nga kwarta.

Kung ang pasyente wa gyu’y ikabayad kaniya, ang hamtong nga doktor palakwon na lamang sila human mahiling ang kahimtang, ug wa nay pangayuon pa.

Kini ang nasaksihan ni Dr. Acosta-Barrientos samtang siya nagdako.

Ang iyang amahan di bastante sa kwarta tungod mas gipili niini nga motabang ngadto sa nanginahanglan, apan sila kuntento ug malipayon sa kinabuhi.

Uban ning dakong paglaum sa kasingkasing, mikuha sab siya og kursong medisina, uban sa paglaum nga makatabang sab siya og daghang tawo pag-abot sa panahon.

Human mipasar sa diplomate examination sa Philippine Board of Ophthalmology niadtong 1994 human siya nakapwesto sa Top 8 gikan sa 72 nga mikuha sa eksam, naestablisar niya ang kaugalingong klinika sa Anda Street sa kanhi Quitain building.

Didto, nagadawat sab siya og mga indigent nga pasyente.

Apan sa nagkadaghan niyang pasyente, nakadesidar siyang mahimong parte sa San Pedro Hospital diin siya makahimo og surgical eye procedures, sagad sa may katarata sa mata.

Di siya mangayo og professional fee kung mahibaw-an nga indigent ang pasyente.

Tungod niini nakadesisyon siyang magbutang og kaugalingong klinika gikan sa iyang kinitaan aron kiantibuk-ang makatabang sa nanginahanglan.

Ang LPA Ambulatory Surgery & Diagnostic Center, Inc., naestablisar, 2014.

Sukad niadto, daghan na siya og naoperahan nga pasyente nga may katarata ug nabalik sa normal ang ilang panan-aw.

“This was my goal even then, I want to help the helpless, those who have less in life,” sigun sa doktor.

Luyo sa pagtabang medikal, ginatabangan pa niya ang pasyente lakip na banay niini nga gikan pa sa lagyong dapit, kung manginahanglan sila og ka-istaran.

Niya, aron makasugakod ang klinika sa galastuhon niini, mga pasyente nga dili indigent angay nga Philhealth member aron ang bayad moagi sa Philhealth.

Sa panahon nga naestablisar ang iyang surgical clinic, mikuha sab siya og diplomate examination sa Philippine Board of Cosmetic Surgery, diin nanguna siya sa 60 nga mikuha sa eksam.

“Since it is also my goal to improve or gain back the people’s self-confidence, this is why I thought of including cosmetic surgery in my clinic,” niya pa.

“Of course, since my clients for cosmetic surgery kay mag-pagwapa lang, not really a need, unlike sa eye surgery, so wala ni siyay labot sa ‘charity’,” dugang niya.

Nagkadaghan sab ang iyang pasyente sa eye surgery ilabi na nga nakig-partner siya sa nagkadaiyang organisasyon, civic ug religious.

Si Dr. Acosta-Barrientos kasamtangang presidente sa Soroptimist International of Davao, usa ka organisasyon nga nagpokus sa pagpalambo sa kinabuhi sa kababaihan, diin tumong niini nga mapadagan ang Cancer Detection Clinic.

Ang doktora parte sab sa Womyn Network, diin siya anaa sa management committee; Dr. Evelyn Tantamco Gusi Awarding Body for Most Outstanding Physician in the Philippines isip usa sa board of directors; Christian Society for the Prevention and the Rehabilitation of the Blind isip Board of Trustees; Vice-President sa Philippine Society of Medical Specialists; Davao Medical Society isip Vice-President; Asia-Pacific Society of Ophthalmic Plastic, Reconstructive and Orbit Surgery (Apsoprs) diin siya founding members; ug Davao School for the Blind isip usa sa Board of Trustees.

Nakigbulig sab siya nila Davao City Councilors Myrna Ortiz, Joselle D. Villafuerte, MD, Davao Tourism Association (Data) President Gatchi Gatchalian, ug City Tourism Operations Officer (CTOO) head Generose Tecson sa pagmugna og Davao City Medical Tourism.

“My membership to these organizations and several others gives me the opportunity to further my goal of helping those who are mostly in need, those who have less in life, and to fulfill my passion for community service,” panapos sa doktor.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph