MOABOT sa 32 ka mga tawo nadakpan sa labing unang Sychronized Enhancement Police Operation (SEMPO) sa Dakbayan sa Talisay sa Biyernes sa hapon, Septiyembre 6, 2019.
Matod pa ni Police Maj. Orlando Carag, hepe sa Talisay City Police Station, nga moabot og usa ka buwan nga pag surviellance ang gihimo nila.
Duha sa mga nadakpan giila ni Carag nga sila Flor Marcelo, alyas Madam Flor ug Forperio Sabayday, mga high value target.
Duha ka mga sitio sa Barangay Mananga, Sitio 1 ug 2, ilang girumbo. Naglisod ang mga Talisay police sa pag implimentar hinungdan nga nangayo na sila og reenforcement sa rehiyonal nga buhatan.
Mga sakop sa Regional Special Operations Group (RSOG) 7 ug ingon man ang Provincial Mobile Force Batallion niabag. Kapin sa P277,000 nga drugs nasakmit sa pagpangronda. (BBT)