ANG Ateneo de Davao University (Addu) mihakot og upat ka bulawang medalya sa Davao Association of Catholic Schools (DACS) Sportsfest 2019 volleyball competition sa University of the Immaculate Conception (UIC) J.P. Laurel Avenue, Davao City.
Ang Addu nakarekober sa second set nga kapildihan, diin gipildi ang UIC, 25-22, 14-25, 25-16, 25-21 sa ilang championship match aron maangkon ang secondary boys title samtang ang Addu secondary girls spikers midemolis sa San Pedro College (SPC), 25-17, 25-23, 25-13, alang sa titulo.
Sa elementary division, ang Addu boys midaug kontra UIC, 25-19, 25-19 aron makuha ang laing bulawan samtang sa babaye, nanguna sab sa three-team round-robin finals.
Ang Addu volleybelles unang milamang sa UIC, 22-25, 25-10, 25-5, una gipildi ang SPC, 25-11, 25-18, aron mabulsa ang gold medal.
Ang Davao Volleyball Association (DAVA) maoy nag-officiate sa torneryo nga nagsilbing qualifying sa Davao City Athletic Association (DCAA) Meet 2019.