MAGUINDANAO -- Gisaad karon ni Presidente Rodrigo Duterte nga dad-on sa mga nag-unang komunidad ang mga na-decommissioned nga miyembro sa Moro Islamic Liberation Front (MILF). Si Duterte mibisita sa Sultan Kudarat, Maguindanao ug nanguna sa decommissioning sa 1,060 nga mga miyemebro sa MILF ug 940 nga mga tag-as nga matang sa armas. Kini kabahin sa pagpaningkamot nga mabalik ang normal nga sitwasyon sa lima ka probinsiya sa Bangsamoro Region nga dugay na nga naapektuhan sa kagubot sugod pa niadtong tuig 1960. Gipasalig ni Duterte sa mga na-decommission nga himuon tanan sa gobyerno aron mapadali ang ilang pagbalik sa mga nag-una nga komunidad. Si Hadji Ahod Ebrahim, ang nangulo nga minestro sa Bangsamoro Autonomous Region in Muslim Mindanao (BARMM), nag-ingon nga simbolo sa natigayon nga decommissioning ang usa ka mahinungdanon nga hitabo sa panghinabing pangkalinaw sa Mindanao. “Instead of carrying firearms we shall now carry farm tools,” segun ni Ebrahim. Ang kalihukan nga gitambungan sa mga nag-unang napili nga opisyal sa BARMM, lakip na si Maguindanao Representative Esmael Mangudadatu, nga hingpit nga nangampanya alang sa pagpasar sa charter sa BARMM, ang Bangsamoro Organic Law, pinaagi sa usa ka plebisito kaniadtong Enero 21 ning tuiga. Giingon ni Ebrahim nga ang MILF nagpasalamat sa mga molupyo sa BARMM, lokal ug langyaw nga mga organisasyon sa pagtabang sa pagduso sa proseso sa kalinaw.