Dear Papa Joe,
Ako diay si Jason, 34 anyos, usa ka supervisor sa usa ka dakong kompaniya sa Cebu. Ang akong problema mahitungod sa gugma.
Naa koy uyab for three years ug usa kini siya ka part time model ug usherette sa mga event. Sa usa ka event didto mi nagkaila samtang nag-promo siya sa usa ka beer product. Mala anghel iyang hitsura nga sama nagkita na mi sa unang kinabuhi namo. Sa batasan ug labaw na sa hitsura, wa koy ikasaway, mao nga makaingon gyud ang lalake nga langit na siya kon siya ang imong maasawa. Pero di na mao ang nahitabo.
Angkan siya ug wa namo ni gisulti sa akong pamilya. Gusto nako siyang pakaslan pero padayon nga taguon namo iyang anak ug di ko gusto nga motipon namo kini. Sakto ba ko sa akong plano? Palihug tambagi ko.
JASON
Jason,
Pagkagabok mo nga pagka lalake kon imo nang padayunon imong plano. Kon tinud-anay ka nga nahigugma niya, dawaton nimo siya kon unsa ug kinsa man siya. Wa kay labot sa kanhi niya ug pagkagusto nimo niya naa na kana iyang anak.
Kon di nimo kaya dawaton iyang anak, mas maayo pang prankahan nimo siya. Basin pa diay makakaplag gyud siya og tinud-anay ug andam modawat niya. Kay kon ikaw murag lisud kay maorag pisikal ra imong nakita niya.
Papa Joe
(sa inyong tampo ipadala lang sa papajoesuperb@gmail.com)