MIULBO sa kapungot ang fans ni Kathryn Bernardo ug gilampornas og bash ang Viva Entertainment sa ilang Twitter post diin hulagway sa mga female celebrity, ang nakaparat kay nawong ni Kath gitabunan.
Wa matino kon gituyo o wa lang mamatikdi ang pagka-position sa crop photo ni Nadine Lustre.
Naglangkob sa maong picture mao ang mga nahimong model sa usa ka facial cream product nga sila si Ylona Garcia, Nadine, Heart Evangelista ug Kathryn.
Base sa maong post aduna kiniy caption “Stunning ladies (lovestruck emoji).”
Apan ang maong post gikatahong gi-delete na sa Viva sa dihang giuwan og bash, taho gikan sa Fashion Pulis.
Ang user nga si Sue So Kho ni-comment: “Stunning ladies? Talaga @Viva_Ent @VIVA_Films hindi ba kabastusan ang pagtakip nyo kay @bernardokath? Ano ipinaglalaban natin? Women empowerment pero ano yang ginawa nyo kay Kathryn? Inggit kayo dahil MILYONES ang kinita ng #HelloLoveGoodbye compared sa #indak na 20k lang.”
Laing netizen ang nibuhi og hait nga komento nga si @thisGirl148 batok sa Viva, “Pinahamak nyo na naman yung alaga nyong KWEEN OF FLOP MOVIES. Wrong move. Sabagay sino ba namang di mabibitter. Nilampaso lang naman ni Kathryn movie nyo. No wonder, ganyan kayon.”
Atol niining, pagsuwat wa moluwat og opisyal nga tubag ang habig sa Viva. (B)