USA ka resolusyon ang gipasa ni Gingoog City Vice Mayor Peter Unabia aron nga magbutang og satellite office ang Department of Social Welfare and Development (DSWD) sa tulo ka lungsod sa Misamis Oriental.
Kini partikular sa mga lungsod sa Balingoan, Salay, ug Balingasag.
Sa gipahigayon nga Gingoog Bay Alliance meeting sa niaging semana didto sa lungsod sa Medina, gibutyag ni Unabia nga ang satellite office sa Balingoan magsilbing dangpanan sa mga kabus nga gikan sa mga lungsod sa Talisayan, Balingoan ug Kinoguitan.
Samtang ang Salay satellite office alang sa mga namuyo sa Sugbongcogon, Binuangan, ug Salay.
Ang Balingasag satellite office mao ang magsilbing kaduolan sa katawhan gikan sa Jasaan, Balingasag, ug Lagonglong.
Gipasabot ni Unabia nga gikinahanglan kaayo ang satellite office aron ang kabus adunay deretsong madoulan panahon sa panginahanglan.