SECTIONS
Thursday, September 19, 2019
SUPERBALITA CEBU

Tambagi ko Noy Kulas: Indecent proposal

DEAR Noy Kulas,

Tawga lang ko sa ngan ngan nga MJ, 19 years old ug nag-eskwela but nag-part-time worker. Di lang kaayo nako idetalye kay related sa akong problema.

Maayo kaayo si Mam sa akoa sukad ko nag-work sa ilaha mao maikog kaayo ko niya. She treated me like her daughter bisan tuod part-time ra ko sa ilaha. Ang akong problema mao ang iyang bana. Kining iyang bana usa ka negusyante but magsige og travel. Sa pagsugod pa nako, lain na kaayo siya og tinan-aw nako, like ma-describe nako nga malisyuso gani. Basta lain gyud akong ma-feel basta naa siya.

Hangtod nga naay usa ka time nga gipahatod ko ni Mam sa amoa sa iyang bana. Sa car, daghan siya og pangutana until niabot sa part nga nag-ask siya naa ba koy boyfriend. Ako siyang giingnan nga wa kay gusto ko makahuman sa akong studies nga way samok. Pero na shock ko kay ni offer siya nako nga magkauyab mi siya ang mo-suppport sa akong studies. Naa siyay gi-offer nga amount nako nga daku-daku, wa pay labot sa akong allowances nga daily.

Bisan daku ug tempting kaayo, nahadlok ko sa consequences bisan ni-assure siya nako nga secret kaayo ang among relationship. Moangkon ko nga I am not a virgin anymore but I learned my lessons already. But tempting kaayo ang iyang offer nako. Mangayo lang ko sa imong opinion, Noy Kulas. Kon unsa ang imong tan-aw bisan kahibawo ko bati ang iyang gi-offer sa akoa.

MJ

MJ,

Day, duna nay may mga estudyante nga akong nailhan kaniadto nga dunay sugar daddy. Ang uban gani proud pa kaayo sila nga duna silay sugar daddy nga nag-support sa ilang needs, apil na sa tuition, allowance ug puy-an. Naay gani uban nga apilan og sakyanan.

Bisan tuod it will make your life easier for a time, but eventually, di ka makatulog niana sa imong tanlag kay nakahuman ka tuod, apan nahimo kang mistress sa usa ka tawo nga ang kapikas nagpangga nimo. Makaya tingali nimo kon di pa mo kaila sa asawa sama sa uban. But bisan pa, kon imong patulan ang bana, once imo na kanang desisyunan ug buhaton, nagguba ka na sa imong kaugmaon. Labina kon ang asawa nga maayo kaayong mobandilyo sa social media. Di ra ba na lalim.

Ayaw na pagpahatod ug likayi ang bana as much as possible. Kon di malikayan, prangkahi siya nga di ka gusto sa iyang offer. Period.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph