SUPERBALITA DAVAO

Duwa sa mga bata niarangkada na sa Davao Region

NIARANGKADA na ang Children’s Games series sa Davao Region kon diin ang bag-ong edisyon gilusad sa Malita, Davao Occidental sa Septyebre 6 ug 7, nagsalmot ang 250 Muslim, Kristiyano ug mga Lumad.

Ang Ate-Kuya leadership training gihimo sa unang adlaw samtang ang Larong Pinoy ug alternatibong mga duwa gilusad sa pagkasunod adlaw.

Si Philippine Sports Commission (PSC) Commissioner Charles Raymond Maxey, “on behalf” sa national sports agency pangulohan ni Chairman William “Butch” Ramirez sa iyang mensahe, nagpasalamat sa Holy Cross of Malita sa pagdumala sa Children’s Games.

“Our Chairman loves the children and he wants the children to play. We are determined to continue this program, which went full blast all over the country back in 2017,” matud niya.

Si Holy Cross of Malita administrator Sister Elizabeth Garrote nagpasalamat sab sa PSC sa pagtugot kanila sa pagdumala sa kalihukan, nga usa ka dakong komponente sa Sports for Peace program sa ahensiya.

Moabot sa 20 ka indigenous peoples (IP) nga kabataan nisalmot sa mga duwa.

Si PSC Mindanao cluster head Ed R. Fernandez nagsulti, “It’s so heartwarming to see them play with each other in the spirit of fun and respect. The work of peace-building starts among the children.”

Sa Davao City, ang PSC Mindanao ug Holy Cross of Davao College, gipangunahan sa ilang presidente Dr. Ma. Iris A. Melliza, nakighiusa sa paningkamot aron nga mugnaon ang Sports for Peace Children’s Games gihimo sa Lower Tamugan Elementary School. Mga 200 ka mga kabataan nisalmot sa mga duwa.

Usa ka leadership training alang sa Ate-Kuya volunteers gihimo usab. Mga aktibidad naglakip sa sayaw nga bodots, Maria went to town, baloon relay, hula hoops ug kadang-kadang.

Didto sa New Bataan, 200 ka mga bata nalingaw sa usa ka adlaw nga pagdula sa sack race, tug of peace, futbol race, pass the message ug bring me niadtong Agosto 23.

Si Compostela Valley Governor Jayvee Tyron L. Uy ug Mayor Geraldford Balbin nitambong atol sa opening ceremonies.

Gipangunahan ni PSC-Mindanao’s Melchor Anzures ang futsal clinic sa mga 60 ka mga bata sa hapon.

Samang Children’s Games gitakda sa Agdao, Davao City (Septyembre 20 ug 21) ug sa Maragusan, Compostela Valley (Septyembre 27 ug 28).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph