KUNG hisgutan ang Isla sa Mindanao niadto hangtud karon, di gyud mawala sa hunahuna sa tawo ang istorya sa giyera, pagpamomba ug bisan mga pagpanglupig sa tawhanong katungod.
Kining tanan maoy nag-unang hisgutanan sa Mindanao, ug sa miaging adlaw lang, usa ang namatay samtang unom ang samaron sa pagbusikad sa usa ka bomba sa Isulan Public Market sa Sultan Kudarat.
Giingong hinimuan kini sa grupo ni Shiek Esmail Abdulmalik alyas Kumander Abu Toraife sa Bangsamoro Islamic Freedom Fighters (BIFF-ISIS Inspired Group).
Ang nahitabo gilayong gikondena sa militar ug kapulisan ug nanawagan sa katawhan nga igmaton ang kaugalingon.
“We criticize and condemn the latest IED attack in Isulan that victimized not only our forces who dutifully perform their mandated task but also the civilians who were in the vicinity of the explosion,” matud ni Colonel Efren Baluyot, Commander sa 1st Mechanized Infantry (Maaasahan) Brigade.
Dismayado sab si Westmincom chief Lieutenant General Cirilito Sobejana sa subling pagpamomba sa Isulan bisan pa man sa pagpaningkamot sa gobyerno alang sa hapsay ug malinawon nga komunidad.
“I enjoin everyone to offer their prayers for the speedy recovery of the victims and for the enlightenment of the perpetrators who aim to undermine the stability of Sultan Kudarat” pagklaro ni Sobejana.
Tungod sobra gatos lamang ka kilometros ang Davao City nga maoy sentro sa Mindanao ug ngari pa naggikan ang presidente sa nasud, gilayong giigmat sa Police Regional Office (PRO)-Davao ug Eastern Mindanao Command (Eastmincom) ang palibot aron di malutsan og terorista.
“The Police Regional Office 11 strongly condemns the heinous attack perpetrated by terrorists/extremists in the market of Isulan, Sultan Kudarat yesterday, September 7, after an IED exploded leaving helplessly seven (7) casualties,” pamahayag sa PRO-Davao.
Ang pagkamabinantayon ra gayod sa palibot ang bugtong pamaagi aron dili mabiktima sa terorista. Tabangan nato ang kapulisan ug kasundalohan sa pagbantay sa palibot, diin kung dunay mamatikdan nga kadudahang lihok sa tawo, i-report dayon kini sa otoridad.