TAGUM CITY -- Anaa sa kritikal nga kondisyon ang biktima sa pagpamusil nga natigayon alas 9:30 Lunes sa buntag, Septiyembre 9, sa Pioneer Avenue Highway, duol sa Mankilam Elementary School ning siyudad.
Ang biktima nailhan pinaagi sa iyang lisensiya nga si Terencio Bacarisas CaƱizares, 37-anyos, company driver ug residente sa Pangantungan, Bukidnon.
Migula sa inisyal nga imbestigasyon nga samtang nagdagan ang biktima sakay sa iyang motorsiklo kalit kining gitaparan sa nakamotorsiklo nga mamumuno dayon gipusil.
Gilayong nahagba ang biktima kinsa wala maintimano ug nakapangayo pa og panabang sa mga tawo aron madala sa ospital samtang ang mamumuno daling misibat palayo sa crime scene.
Ang kapulisan sa Tagum City PNP nagpahigayon na og lawom nga imbestigasyon labot sa hitabo.
Una nang nagpagula ang Tagum City PNP og pamahayag sa pagkondena sa sunod-sunod nga pagpamatay sa siyudad nga hinimoan sa wala maila nga mga mamumuno.
Migula sab ang istorya nga sunod-sunod ang natigayong pagpamatay sa siyudad human nahunong ang mga investment schemes sa dapit. (Jeepy P. Compio)