SECTIONS
Thursday, September 19, 2019
SUPERBALITA CEBU

Tagming: Nganong hinay ang pelikulang Tagalog?

KADAGHAN ba sad natong film festival dinhi sa Pilipinas. Bag-o pa gani nahuman ang Cinemalaya Film Festival niadtong Agusto, karong Biyernes duna na say Pista ng Pelikulang Pilipino.

Kadtong “Mina Anud” sa Regal Films nikita ba to? Lingaw baya untang salidaha. Pero usa ra ka semana gi-pull out dayon sa mga sinehan.

Kining ilang mga festival ba imbes makatabang maorag samot lang hinuon makalibog sa mga manan-away mao tingaling ang resulta: flop.

One at a time lang unta. Dayon magbutang sila og mga artista nga dunay box office appeal unya mao na’y ilang tutokan sa promotion.

Okay ra nang MMFF sa December kay duna ma’y bonus. Pero kanang film festival sa Agusto, film festival sa September unya duna pa gyuy MMFF sa April sugod next year. Overrr na!

Daghan na ganing way kaon kay way increase-increase ang suweldo unya ang mga palaliton puwerte nang mahala. Pagka-brayt!

Nerbiyos

Naa diay sakit sa nerbiyos ang 19-anyos nga Cebuano singer-songwriter nga si John Roa.

Matod sa iyang mama Joy mosaka kuno sa 160 ang BP ni John basta moatake na ang iyang anxiety attack. Pero wa kuno mag-maintenance si John kay more on psychological ra man gud ni.

Naka-ralate jud ko kay ingon ana sad ko, akong giingnan ang mama ni John. Moabot man gani sa 200 akong BP basta mag-annual check up mi sa office kay manerbiyos man ko. Haha...

Inig kahuman og check up mokaon dayon kog ginabot ug porkchop sa pungkopungko ma-relax na ko ana, mawa na akong kulba.

Gipa-ultrasound na bitaw ko pag-2013. Last year gipa-2D Echo, lipid test ug uban pa. Normal ra gyud tanan. Karon naka-adjust na kuno si John. Advice sa iyang mama nako nga pray lang, then inhale-exhale aron ma-relax. Mao jud! Haha...

Oktubre 23

Karong October daghan ta og Original Boneless Lechon ug Chilen Chicharon nga maka-high blood sa uban pero para nako mao ni comfort food.

Manghatag sad ta og gift packs gikan sa Mountain Paradise Resort (operated by Amalia Property Ventures Inc.). Ug kay nibasa man ka sa atong kulom karon, ang saktong tubag sa pangutana kanus-a ang anibersaryo sa Superbalita? Oktubre 23. Apil na!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph