NALABNI ni Rafael Nadal ang iyang ika-19 nga Grand Slam title kagahapon pinaagi sa usa ka dramatikong kadaugan sa ikaupat niyang US Open championships pinaagi sa pagbuntog ni Daniil Medvedev sa Russia, 7-5, 6-3, 5-7, 4-6, 6-4, sa New York.
Sa kadaugan, ang walhon nga 33-anyos nga Katsilas nagkinahanglan na lang usa usa ka daog aron iyang matupngan si Roger Federer sa all-time men’s record nga may 20 ka Grand Slam title. Siya karon ang ikaduhang pinaka edaran na nga champion sa New York, sunod ni Ken Rosewall niadtong 1970 kinsa nakampiyon sa edad nga 35 anyos.
“Has been one of the most emotional nights in my tennis career,” ingon ni Nadal.
Ang usa ka tribute nga nagyawe sa iyang kadaugan nakapatulo sa luha ni Nadal.
“The way that the match became very dramatic at the end, that makes this day unforgettable,” dugang niya.
“Watching all the success, all the moments that came to my mind, I tried to hold the emotion, but some moments [were] impossible.”
Human makaposte og labaw, 2-0, sa unang duha ka set, si Nadal, sa wala damha, nakabaton og grabing pagpanghudlat sa dihang natabla ang score, 2-2 human sa fourth set.
Iyang giangkon, nga ning higayona, iya gyud gibati ang tukmang kakulba, una pa gyud niya hingpit maangkon ang kadaugan nga milungtad og dul-an sa lima ka oras.
“This victory means a lot,” padayag ni Nadal kinsa gawas sa championship trophy, milangkat usab sa $3.85 million nga ganting salapi. “And the way it happened. It was hard to control the nerves. The nerves were so high after having the match almost under control.” (AFP, JBM)