ANG Department of Social Welfare and Development (DSWD) Field Office VII nilagda dili pa lang duha og Memorandum of Agreement (MOA) tali sa University of San Carlos (USC), alang sa pagtabang sa pagpalambo sa kalidad sa pagpuyo sa mga kabus.
Ang duha ka habig pareho nga niila sa kooperasyon nga gikinahanglan nga pamaagi sa paghiusa ug pagdaginot sa resources ug kapasidad alang sa komon nga tumong sa pagtabang sa Pantawid Pamilyang Pilipino Program (4P’s) ug Non-Pantawid poor participant ubos sa National Household Targeting System for Poverty Reduction (NHTS-PR) sa DSWD-FO VII sa pagpalambo sa kalidad sa kinabuhi.
Ang DSWD nagpatuman sa Sustainable Livelihood Program diin gitumong sa pagpalig-on sa skills, competencies, abilities ug resources sa mga kabus nga Filipinos ug pagmugna og kahigayonan alang sa income-generating opportunities sa pagtubang sa ilang panginahanglan ug pagpalambo sa pagpuyo.
Ang benepisaryo sa Pantawid Pamilyang Pilipino Program (4P’s) ug Non-Pantawid poor participants ubos sa National Household Targeting System for Poverty Reduction (NHTS-PR) sa SWD FO VII nga benepisaryo usab sa Sustainable Livelihood Program, makabenepisyo sa partnership tali sa USC.
Usa kini ka proyekto subay sa misyon sa ahensiya sa paghatag og access sa livelihood ug job opportunities sa mga kabu, vulnerable ug disadvantaged individuals.
Alang sa partnership, ang University of San Carlos (USC) nisanong sa paghimo og convergence synergy model alang sa livelihood opportunities sa qualified SLP participants pinaagi sa pag-access sa Livelihood Skill Training Program and Technical Assistance pinaagi sa USC uban sa overall goal sa pagpalambo sa socio-economic conditions sa mga partisipante.
Ang USC, pinaagi sa iyang Center for Social Entrepreneurship (CSE), usa ka unit sa tunghaan sa Business ug Economics, mohatag og lifelong learning, research, ug entrepreneurship training nga magtutok sa social ug environmental impacts, sa mga partisipante,
Ang DSWD ug USC nagkasabot sa maghiusa sa pagtrabaho alang sa pagkab-ot sa tumong. (PR)