ANG Department of Agriculture (DA) nikompirmar nga dunay mga kaso sa African swine fever sa Pilipinas, apan ang Malacañang ug Department of Agriculture officials niingon nga ang publiko di angay nga maalarma ug nga luwas ang karneng baboy nga kan-on.
Tungod niini, si Gobernador Gwen Garcia niingon nga mas doblehon pa karon ang pagbantay aron di makasulod ang ASF dinhi sa Cebu.
“We must now double our efforts at vigilance against the entry of pork and pork-related products this time, not just from ASF-stricken countries, but also from within the Philippines. EOs 13, 13-A and 14 shall remain strictly enforced. I am asking the ASF Task Force to remain on full guard and the public for full support. I have scheduled an emergency meeting of the ASF Task Force tomorrow, Tuesday, Sept.10th, at 6:00 pm,” matod sa gobernador.
Sa miaging semana, gipangsunog sa ASF Task Force ang liboan ka mga linata nga Maling. Suway unta kining ipayuhot sa lalawigan sa Bohol nga nag-ban sa pagpasulod og bisan unsang produkto nga baboy, dinhi man sa nasod gikan o abroad.
Ang Cebu, ubos sa mando ni Garcia, nag-ban usab sa imported pork.
Samtang ang Central Visayas Pork Producers Cooperative (CeViPPco) mipakatap og labing minos 100 ka mga personnel nga gipangtahasan sa pag-monitor ug nagsangyaw og mga impormasyon ngadto sa mga raisers aron pagkombate sa ASF virus.
Si Nonon Tambago, CeViPPco president, nisulti sa SunStar Cebu nga nakigtambayayong sila sa provincial task force against ASF aron pagpadayon sa pagbantay sa P11-billion pork industry sa Sugbo.
“We have been supporting the government especially quarantine officers in the airports and seaports. We are also printing around 100,000 flyers and have been conducting ASF awareness seminars to pig farmers,” siya niingon.
Luwas pa mokaon
Si Presidential Spokesperson Salvador Panelo niseguro sa publiko sa Lunes, Septiyembre 9, nga ang DA naghimo nag mga lakang aron mapugngan ang pagkatap sa sakit.
Niluwat ning mao nga pamahayag si Panelo pipila ka mga oras human ang DA nikompirmar nga labing minos 14 sa 20 ka blood samples gikan sa nangasakit nga mga baboy nga gipadala ngadto sa United Kingdom nagpositibo sa African swine fever.
Sa usa ka bulletin sa Lunes, si Agriculture Secretary William Dar nipaneguro nga ang DA naghimo nag epektibong mga lakang.
“We are prepared to respond to all scenarios. We assure the public there is enough supply of pork in the market,” matod ni Dar.
Siya niingon nga DA nisuspenso sa ground operations sa lalawigan sa Rizal ug motutok sila karon sa paglimpyo ug disinfection.
“However, we will remain vigilant and continue to vigorously conduct surveillance and quarantine measures,” dugang niya.
Ang African swine fever usa ka sakit nga makapatay sa baboy apan di makaunsa sa tawo.
“Although the disease does not pose any hazard or risk to humans, it is very infectious among pigs, and can easily spread from one farm to another if not properly managed,” pagpasabot ni Dar.
Sa sayo pa ang sakit nipatay og gatusan ka mga baboy sa Rodrigues ug Antipolo sa Rizal ug Guiginto sa Bulacan.
Labing minos 7,416 ka mga baboy ang gipangpatay sud sa usa ka kilometro nga radius sa apektadong mga lugar sa Rizal ug Bulacan gipangpatay na.
Tanang apektadong mga dapit “cleared” na sa sakit, matod ni Dar.
Sa mga namuhi og baboy, iya kining giawhag nga mohimog mga lakang, motaho dayon sa DA kon dunay di kasarangan nga pagkamatay sa mga baboy ug likayan ang paglawog og lamaw.
Pagkakaron, luwas pa gihapon ang pagkaon og baboy, matod ni Panelo.
“I think there is no need to worry considering that the DA secretary has not cautioned us not to avoid or not to eat, or to avoid. Wala pa namang directive (There is no directive yet),” siya niingon. (RTF, JOB, Sunstar Philippines)