Dalaga nga hubog nipasangil nga gilugos sud sa balay sa iyang kainom sa Barangay Balirong, Dakbayan sa Naga.
Si Ramel Villa del Garcia, 34, taga Barangay Balirong, nasikop sa hot pursuit operation human mosumbong si Eva (di tinuod niyang ngan) sa giingong paglugos sa suspek kaniya.
Matod ni Eva, 28, taga habagatang Sugbo, nga giagda siya ni Villa del Garcia nga adto mopahuway sa balay niini kay hubog na kaayo siya.
Nisalig siya kang Villa del Garcia hinungdan nga siya nikuyog.
Apan samtang siya nakatug sud sa balay, iyang namatngunan nga gihuboan na siya sa underwear.
Gipanghunol una siya sa wa pa siya lugosa sa suspek. Wa siyay nahimo tungod sa iyang kahadlok.
Si Villa del Garcia anaa na sa Naga City Police Station samtang ang kasong lugos ipasaka karong adlawa. (BBT / SuperBalita Cebu)