NAPILI ang probinsya sa Misamis Oriental aron sugdan ang National Teachers Month sa pagbukas niini Lunes, Septiyembre 9.
Dinapit nga bisita si Department of Education Undersecretary Tonisito M.C. Umali, Esp kinsa nalingaw sa mga pasundayag ug preparasyon sa mga tinun-an og mga magtutudlo.
Ang 2019 National Teachers Month Ceremony Kick-off adlawng Lunes, Septiyembre 9 nga gisugdan sa caravan sa lungsod sa Libertad ug programa nga gipahigayon sa Initao Comphrehensive High School sa Initao Misamis Oriental.
"Napakaganda po ng inyong ginagawang selebrasyon. Wag po tayong magsawang mangarap para sa ating mga anak," butyag niini ug miingon ang mga magtutudlo gimandoan ni Department of Education Secretary Leonor Briones nga mahimong ehemplo sa mga kabataan.
Lakip sa ilang gipaabot nga ilang hatagan og pagtagad ang mga yangongo sa mga magtutudlo lakip na niini ang salary increase.
Sa maong kalihokan ang tema gilakipan sa Gurong Pilipino Handa sa makabagong pagbabago.
Kini nga kalihokan paghatag ug dungog ug honor sa mga magtutudlo nga dako og papel sa kalamboan ug kalampusan sa usa ka indibidwal.