GIKUMPIRMAR sa Police Regional Office 10 nga aduna nay unom ka mga piniriso nga gibuhian ang boluntaryong misurender og balik aron magpapriso.
Kini nga mga priso gibuhian tungod sa good conduct time allowance (GCTA).
Apan, nanurender kini sila human bag-o nagmando si Presidente Rodrigo Duterte nga ipabalik ang mga nabuhian ubos sa GCTA Law human moabot ngadto 2,000 ang mga nabuhian lakip ang mga henous crimes.
Matud ni Police Lieutenant Colonel Mardy Hortillosa, tigpamaba sa PRO 10, nga kini sila wala na nagpaabot sa 15 days nga liberty period gikan sa kamandoan ni Presidente Duterte ug mitahan na deretso.
Nasayran nga upat nagikan sa Bukidnon, usa sa probinsya sa Camiguin, ug laing usa sa Lanao del Norte.
Uwahing misurender nagikan sa Valencia City.
Niadtong Septiyembre 6 mga alas 8:00 sa gabii, nag voluntary surrender si Canunay ngadto kang Barangay Kagawad Nino Tabukalaon sa Barangay Lurugan, Valencia City, Bukidnon.
Giilang si Elias Berdin, 61, kinsa nag atubang og murder.
Nasentensyahan tuig 1993 ug napriso sa Iwahig Penal Prison sa Penal Farm sa Puerto Princesa Palawan ug gibuhian niadtong July 16 ning tuig.