MAS gipaalerto ug gipakusog sa kapolisan ang ilang paghatag og seguridad human sunod-sunod ang pagpamomba sa kasikbit nga lugar sa Sultan Kudarat ug Jolo Sulu.
Gibutyag ni Police Lieutenant Colonel Mardy Hortillosa, tigpamaba sa Police Regional Office 10, nga adunay direktiba si Regional Director Francis Santiago Jr. ngadto sa mga operatiba sa ilang tagsa-tagsa ka mga area.
Kini mao ang pag-deploy sa kapulisan ug maximum visibility patrols labina sa mga pampublikong mga lugar sama sa mga malls, park, simbahan, merkado, ug uban pa nga lugar.
Pakigkoordinar sa mga Barangay Police ug komunidad nga maoy labing unang makamatikod sa dautang mga lakang sa dautang elemento.
Paghatag seguridad sa tanang pasilisad sa kapolisan ug mga vital installation.
Pag-establisar ug pagpalig-on sa mga checkpoints ug chokepoints sa mga main supply route sa entrada ug exit nga bahin ug extra vigilant sa pagoahigayon niini.
Pagpugong sa posibleng atake ug pag-obaerbar sa mga lihok sa usa ka indibidwal.
Gikasubo sa kapolisan ang natigayon nga pagpamomba kon asa natumbok nga usa ka babaye ang suicide bomber.