MOABOT ngadto sa walo ka mga indibidwal ang natalang missing sa Misamis Oriental.
Basi sa talaan sa Misamis Oriental Provincial Police Office (Moppo), walo nagikan sa nagkalain-laing lungsod ang natala sugod sa bulan sa Enero hangtud sa bulan sa Agusto kon asa kini nga mga nawala ang wala pa nakabalik sa ilang mga puloy-anan karon panahona.
Gibutyag ni Police Captain Princess Enriquez, tigpamaba sa Moppo, nga ang nawala gilangkuban sa minor de edad ug duna sab mga senior citizens.
Ning bag-o lang usa ka 18 anyos nga mao si Chekie Macabinlar, taga Barangay San Isidro, Balingasag, Misamis Oriental ang gi-report nga na missing.
Uwahi nga nakita kining biktima niadto pang Agusto 14 ning tuig ug gipangita pa karon panahona.