SA PAG-ARIBA sa The Voice Kids Season 4 sa ABS-CBN, usa ka bagets from Davao ang labing una nga nahimong miyembro sa team Bamboo.
Ang onse anyos nga si Tiffany Shane Vistal, napa-wow ang tanan, partikular ang napiling coach nga si Bamboo, lakip na si Lea Salonga sa pagkanta niya sa kantang “Stone Cold” ni Demi Lovato.
Human sa performance ni Tiffany, gisulti ni coach Bamboo nga dili man kini ang pinakalimpyo nga performance sa bagets, apan exceptional ang iyang gihimo.
“I’m super happy that I did it. I thank God for giving me this opportunity. Now, I believe more in my favorite motto: True courage is pursuing your dreams even when everyone says it’s impossible,” suma sa batan-ong singer.
Si Tiffany sayo nga nabaid ang interes sa pagkanta, diin sa edad nga 3 nakat-on na siya sa Strawberry Shortcake song -- True Friends are Forever.
Human niini miapil na siya sa nagkadaiyang singing contests una siya misabak sa The Voice Kids.
Diin siya ang 1st runner up sa Robinsons Singing Stars 2018.
“I don’t know what will happen next in this competition, but I will give my best. I believe I can do it with the almighty God’s guidance and protection,” niya pa.
Luyo sa hilig niya sa pagkanta, si Tiffany usa sab ka modelo ug Davao-based talent under sa Marfori Studios.