SECTIONS
Friday, September 20, 2019
SUPERBALITA DAVAO

Pulis nga mangabit silotan

GIPANG-SERMONAN ni Police Regional Office (PRO) Davao Region director Brigadier General Marcelo Morales ang mga pulis ning rehiyon atol sa opisyal nga pag-abli sa “Madayaw” Program (MAking Every DAY A Way of Change), Martes, Septiyembre 10, sa Camp Sgt. Quintin Merecido, Buhangin, Davao City.

Nagtumong ang maong programa sa dugang pagpalambo sa personalidad sa kapulisan luyo sa pipila ka mga isyu nga ilang giatubang.

Unang gibatbat nga isyu ni Morales mao nga dunay daghang issued firearms sa mga pulis ang nangawala atol sa ilang regular nga inventory niini.

Laing isyu nga gihisgutan nga nipasamot sa kahilom sa palibot ug nakapaduko sa ubang mga pulis mao nga dunay pipila kanila nakig-relasyon sa dunay asawa.

“May mga asawa yung iba, makikipag-relationship sa kapwa niya pulis na may asawa din,” tipik sa pamulong ni Morales.

Giingon sa opisyal nga kung dili kini matagad nga problema daw mawad-an og respeto ang hanay sa kapulisan.

“Kung hindi natin paparusan yung mga katulad nung ganon, ano ang sasabihin ng mga matitinong pulis? Ah okay lang pala yan gumawa tayo nga panay kabastusan dito sa PNP, walang nakakasalin sa atin didto dahil kapari-pariha tayong pulis... nagkakamali kayo, hanggat ako’y nandito nagkakamali kayo. Hindi kayo oobra sa akin,” ni Morales.

Dugang ni Morales nga bisan police colonel ang ranggo sa pulis, i-apil suma pa sa maong training aron ipakita sa mga pulis nga naa sa ubos nga walay gipili ang pagpahamtang sa silot.

Gibatbat sab niini nga kinahanglan di lamang panginabuhi ang ibutang sa hunahuna sa mga pulis kon di ang pagpabilin niini nga trabaho nga usa ka “noble profession”.

Matigayon ang Madayaw program matag kuwarter aron sa paneguro nga mapataas pa ang personalidad sa kapulisan ning rehiyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph