Gimingaw sa anak naghikog

NAMATIKDAN ang sunod sunod nga kaso sa pagpanghikog diin ulahing naghimo niini mao ang usa ka amahan ug dalaga sa managlahing insidente kinsa pulos nilanding sa Northern Mindanao Medical Center (NMMC) ning siyudad sa Cagayan de Oro.

Unang biktima nga amahan nga mao si Alejandro Tagaling, 66, taga lungdsod sa Tagoloan, Misamis Oriental.

Naghikog ang biktima pinaagi sa pagluba niini sa iyang liog niadtong Sabado, mga alas 11:00 sa buntag.

Gisaysay sa asawa nga gimingaw ang iyang bana sa ilang anak nga nalayo ngadto kanila.

Magsige og hisgot si Tagaling nga kanus-a pa mahibalik kanila ang iyang anak ug ilang makauban hinungdan nga gibati kaayo sa kamingaw niini.

Wala nay makitang laing rason ang asawa sa posibleng hinungdan sa paghunos niini sa kaugalingon. Kalit kining misulod sa kusina nga bahin ug giluba ang liog sa biktima.

Ang asawa mismo ang nidala niini sa NMMC aron matabang apan kritikal ang kahimtang ning panahona.

Laing trabahante ang misuway paghunos sa iyang kaugalingon nga mao si Channy Rose Alsaga, 20, dalaga, lumad nga taga Santa Fe, Libona, Bukidon.

Nahitabo ang insidente niadtong Sabado mga alas 1:00 sa hapon sulod sa gitrabahoan niining kompanya.

Trabahante ang biktima sa Rebisco ug adunay gikabikil niini nga kauban sa trabaho, wala gibutyag ang hinungdan sa giawayan nga miresulta sa biktima sa pagkuha og pesticides dayon deretso nga gilala.

Nakuyapan ang biktima nga dali sab nga gitabang sa mga kauban ug gidala sa NMMC. Kritikal ang kondisyon niini ning panahona.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph