GIHANGOP ni senator Manny Pacquiao ang bag-ong International Boxing Federation (IBF) minimumweight champion Pedro Taduran ug interim World Boxing Organization (WBO) bantamweight titlist John Riel Casimero sa pagbisita sa duha ka mga boksidor sa opisina sa Pambansang Kamao ng Pilipinas sa senado.
Kauban nila ni Taduran ug Casimero sa ilang pag-courtesy call kang Pacquiao mao ang presidente sa MP Promotions nga si Sean Gibbons.
Gipaundang ni Taduran sa 4th round si Samuel Salva aron angkunon ang bakanteng IBF 105-lb throne samtang si Casimero miposte og 10th round knockout nga kadaugan batok kang Mexican Cesar Ramirez aron ibulsa ang interim WBO 118-lb championship.
Si Pacquiao, kinsa maoy bugtong 8-division world champion sa kalibutan, miawhag sa mga atleta sa Pilipinas nga mas mokayod pa’g insakto aron makahatag og dungod sa nasod sa ugma damlag.
Matod ni Pacquiao nga sila si Taduran ug Casimero nagsilbeng maayong mga ehemplo niini. (ESL)