MINGBANGON ang Philippine Azkals gikan sa kapildihan batok sa Syria ug gipahimungtan niini ang host Guam, 4-1, kagahapon sa 2022 FIFA World Cup qualifiers.
Sila si Angel Guirado ug Patrick Reichelt pulos naka-goal sa 1st half alang sa Azkals.
Sa 2nd half, nakadugang og tagsatagsa ka goal sila si Staphan Schrock ug Patrick Strauss alang sa Azkals.
Ang bugtong goal sa Guam ilang namugna sa ika-70 ka mga minutos.
Ang Azkals, nga gikan sa 2-5 nga kapildihan batok sa Syria, aduna pa’y dakong poruhan nga makaabante sa sunod nga round sa qualifier.
Hinuon lisod lang gihapon ang mga dalan nga subayon sa Azkals kay sa pagpadayon sa ilang tahas, aduna'y lig-ong teams nga naghuwat kanila.
Kinahanglang mopatigbabaw ang Azkals sa ilang grupo aron makaabante. (ESL)