NAHIDANGAT sa probinsya sa Misamis Oriental ang US Embassy political officer nga mao si Chris R. Farlow.
Si Farlow sa niaging semana nakig-abi-abi kang Misamis Oriental Governor Bambi Emano ug dinhi iyang gipaabot nga suportado ang pakigbatok sa insurhensya ug terorismo.
Bout sa grupo ni Farlow nga makig-alayon sa pangagamhanang lokal sa pag-edukar sa kabataan kabahin sa dautang epekto sa pagsalmot sa walhong kalihukan ug terorismo.
Gipaabot sab ni Emano ngadto kanila kon unsa ka dakong importansya ang hisgotanang kalinaw aron mas mouswag ug mapalambo ang turismo.
Iyang gipanghambog niini ang 70 ka waterfalls, duha ka white island, ug duha ka hot springs, lamian ug nindot nga mga produktong gama sa Misamisnon ug mahigalaon nga katawhan, hilabina kon hisgotan ang pag-abi-abi sa mga bisita ug turista sa Misamis Oriental.
Dugang niini nga hinungdan kon ngano kusganon niini nga manawagan sa kasundalohan, kapulisan ug ordinaryong katawhan nga magtinabangay nga mapatunhay gayud ang kahusay ug kalinaw.