SUPERBALITA CEBU

Lonzon: Mibalik na sa Muntinlupa

Mata sa agila

BASI sa kasayuran nga akong nakuha mibalik na sa Bureau of Correction (BuCor) sa Muntinlupa ang mga piniriso.

Naglakip na niini ang mga suspek sa nakonbikto sa kasong pagkidnap, pag-rape ug pagpatay nila ni Jackielyn ug Marijoy Chiong.

Sama kanila ni Josman Aznar, Allan Caño ug Ariel Balansag nga nalakip sa nakapahimos sa Good Conduct Time Allowance ( GCTA ).

Matod pa ang tulo bolontaryong mibalik sa BuCor human gimando ni Presidente Rodrigo Duterte ang pag-recall sa tanang gibuhian.

Para nako nganong di man tagaan og kahigayunan sa pagbag-o sa ilang kinabuhi ang nakahimo bisan pa sa heinous crime.

Ang tawo duna may paghinolsol sa ilang mga kasal-anan. Gawas nga naay balaod si Jesus Christ nga maoy Ginuo ug gamhanan labaw sa tanan nakapasaylo man gani.

Senador nagpaluyo

Kini basi sa nagpadayong hearing sa senado sa pagpabuhi sa dul-an sa dos mil ka mga piniriso nga nakapahimulos sa GCTA law.

Nasentro sa pagkastigo sa maong kontrobersya ang pangulo sa Bucor nga si Nicanor Faeldon. Kon dunay sindikato ato bang sabton nga apil niini sila si Faeldon ug Senador Bato dela Rosa nga kanhi sab pangulo sa BuCor?

Nindot unta miingon ang presidente nga samtang wa pa mobalik sa prisuhan ang tanang mga piniriso si Faeldon maoy ipuli sa prisohan.

Kon kini gihimo pa sa presidente mopakpak ang katawhan nga wa siyay gipalabi. Ang nahitabo iya pa man hinoong gidayeg ang kaligdong ni Faeldon bisan pa sa dakong gihimong pagpaka-uwaw.

Karon nakita sa mga senador nga ang pagpagawas sa mga high profile inmates nga nalambigit sa heinous crimes ug nakapa himulos sa GCTA Law nakabayad ug minilyon ka pesos.

Sa ato pa katong mga mayokmok nga mga piniriso nga gibuhian morag pakapin lang aron di maklaro ang anomaliya sa binayranay sa BuCor.

Maayo man gani ni bitayon si Faeldon kay nalambigit ni sa kontrobersya sa tuneladang shabu nga nakalusot samtang siya ang hepe sa Bureau of Custom. Email: efren_lonzon@gmail.com


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph