PISKALYA sa Siyudad sa Lapu-lapu ang personal nga mi-adto sa buhatan sa Criminal Investigation and Detection Group (CIDG) - 7 aron ipaubos sa inquest proceedings ang dul-an sa duha ka gatus ka mga Chinese national nga nadakpan nga nag operate og illegal nga online nga pasugalan.
Kini maoy gipahibawo ni Piskal Antonio Aseniero kalabot sa 181 ka Chinese national isip kabahin sa proseso aron pormal silang mapasakaan og kaso.
Wala na sila dalha sa buhatan sa piskalya sa siyudad sa Lapu-lapu sanglit ila usab nga gikonsiderar ang ka risgo tungod sa gilay-on sa nahimutangan niini.
Matod ni Piscal Shiela Mar Abadia nga wala ra silay nalapas sa balaod sa ilang gihimo sa pag-adto mismo sa buhatan sa kapulisan tungod sa daghang mga rason ilabi na nga langyaw ang ilang ipaubos sa inquest proceedings.
Halos tanang mga Chinese national nga nadakpan dili maka mao mo-eninglis.
Tungod niini nag-hire pa ang kapulisan og ang prosecutors office og interpreter aron mapasabot sa piskalya ang mga langyaw ang kalabot sa kaso nga ila na unyang atubangon.
“There is even difficulty in communicating with them, so we need to have a Chinese national to interpret for them. So I believed its for practical reasons and security reasons also that we conduct the inquest proceedings here in CIDG-7,” matod ni fiscal Mar Abadia kinsa midugang pag-ingon nga ilang sutaon kung balido ba ang pagdakop sa kapulisan sa maong mga langyaw nga walay warrant of arrest nga giluwatan ang korte.
Hangtod karon wala pa makapakitag working permit ang kompaniya nga nagpatrabaho sa maong Chinese national nga magmatuod nga legal ang ilang pagtrabaho sa dakbayan sa Lapu-lapu.
Sa nakuha nga impormasyon sa Police Regional Office (PRO) 7 nga ang Department of Labor and Employment 7 mipahibawo sa kapulisan nga adunay permiso ang gobiyerno ngadto kanila.
Apan si Police Brigadier General Debold Sinas, hepe sa PRO 7, nagkanayon nga wala na sila magkinahanglan sa permit gikan sa DOLE sanglit klaro sa search warrant nga giisyu sa korte nga adunay operation sa illegal nga pasugal sa ilang gitrabahoan.
“After sila nadakpan kauban nato sa gi inquire kung naa ba silay permit? Pagsulod ba nila diri sa Pilipinas na back ground check na, but initially dili nakinahanglan ang DOLE ato kay very specific ang search warrant nga giisyu nang judge,” padayag ni Sinas.
Dugang ni General Sinas nga ang mga kaso nga gipasaka sa maong mga langyaw mahimo ra nga mapiyansahan. (AYB)