SUPERBALITA CEBU

Mga iring, iro gipang-ligate

DILI mominus 50 ka mga iro ug iring sa syudad sa Talisay ang gipaubos sa libre nga pa-ligate sa Talisay City Veterinary office kagahapon, Martes, Septiyembre 10.

Kini aron pagtabang nga dili modaghan ang mga iro ug iring nga anaa lang sa kadalanan o wala maatiman.

Alang niining usa ka dog lover nga si Pat Gonzales, taga Barangay Pooc, Siyudad sa Talisay, rason niya kon nganong duha sa upat nila ka mga iro, ilang gipaubos sa spay ug gipakapon alang sa seguridad sa iro ug sa mga tawo sa ilang palibot.

Usa na niini ang duha ka tuig na nila nga iro nga si Luche diin ang dul-an usab sa usa ka tuig na nilang gibutang sa halwa.

Matod pa nga ila kining gihimo tungod sa kahadlok nga sa higayon nga mangulag na kini, mogawas kini sa ilang balay ug posibling maligsan o kaha makapaak og mga tawon.

Apan sa dihang ilang nahibaw-an nga adunay libreng pa-ligate, wa dayon sila magpanuko ug ila gilayon kining gipalista.

“Malooy man gud ko nga naa lang sya sa cage, mas maayo man sad na nga makadagan-dagan siya sa sulod. Pero kay baye lage, mangulag, mangita man gyud laki, makagawas, dili na magukod namo. So, among’ gi-cage. Karon nga ma-ligate na siya, dili nami makuyawan,” pasabot ni Pat.

Gitug-an ni Dr. Mary Thessa Lorraine Alo, Talisay City vet, nga kini maoy usa sa ilang programa aron maminusan ang mga iro ug iring nga wala maatiman ug kasagaran anaa ra sa mga dalan.

“Gikinahanglan kaayo kini, amo gyud gi-encourage ilabi na sa mga mga dili na gusto managhan pa ang ilang mga iro ug iring, kay sige’g panganak, dili nato maato og atiman, mao na ang uban ipanglabay na sa mga dan o pasagdan na. Mao na magka-problema ta sa mga stray dogs and cats. Looy sad baya ning mga wala na gipang-atiman,” pasabot ni Dr. Alo.

Miabag sa maong kalihukan ang Department of Veterinary and Medicines (DVMF) sa Cebu City.

Gitug-an ni Alo nga mobalor og P4,000 ngadto sa P6,000 pagpakapon sa iro o iring kon kini himuon sa pribadong buhata. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph