Nasakmit ang dul-an sa duha ka kilo nga shabu sa pag pang ronda sayo sa gabii sa Martes, Septiyembre 10, sa Sitio Galili, Barangay Duljo Fatima, Siyudad sa Sugbo.
Ang mga operatiba sa Mambaling Police Precinct gipangulohan ni PCapt.Francis Renz Talosig nisikop kang Aryan Ann Reyes, 27, temporaryong nagpuyo sa Barangay Duljo Fatima.
Nasakmit sa ronda ang usa ka kilo ug 800 gramos nga shabu nga gibana bana nga mokantidad og P12.2 milyones base sa Dangerous Drugs Board (DDB),value.
Matod ni Talosig nga dunay impormante nga nakahatag nila og tip sa ilegal nga kalihukan ni Reyes.
Gawas sa pagpamaligyag shabu, mangunay sab paghatod si Reyes sa supply sa iyang mga suki.
Ang dinakpan wala na mohatag sa iyang habig sa pakighinabi sa Superbalita Cebu. (Benjie Talisic)