TUGUTI nga mosulod una ako sa kalibutan sa showbiz gumikan kay kining atong topic taga showbiz man ang source. Nunot kini sa nagpadayon karon nga debate kabahin sa balaodnon nga Sexual Orientation and Gender Identity and Expression Equality (Sogie) nga naila usab nga anti-discrimination bill sa Kongreso. Midemanda karon ang lesbian, gay, bisexual and transgender (LGBT) community og patas nga pagtratar. Nabahin-bahin karon ang maong sektor kabahin ning isyu kay bisan ang ubang mga sakop sa LGBT, dili uyon aning Sogie bill.
Si Ricky Reyes, certified nga bading ug tag-iya sa nabantog nga chain of beauty parlors, adunay advice sa LGBT community. Dako siyang supak aning Sogie bill, diin apil sa probisyon ang paghatag og ilang kaugalingon nga comfort rooms. Matod ni Reyes ngadto sa ubang nga bading nga “ayaw mo pagbistida diha sa kalsada aron dili mo mahimong kataw-anan ug biay-biayon sa publiko.”
Gikinahangkan nga ang LGBT mohimo og ilang kaulingon nga mga lakang aron sila mamahimong dawaton sa publiko. Sa usa ka interview siya nagkanayon nga dili sila moladlad labi pa magsuot og binabaye sa publiko aron sila respetuhan.
“Tigilan na yang kabaklaan. Wag na kayong magbistida sa kalye kasi lalo kayong pagtatawanan ng mga tao. Dapat magtulong na lang tayo sa kapwa para mahalin tayo ng tao. Lagi kong sinasabi, ang bakla walang maka-intindi kundi kapwa bakla lang. Dapat ang affair ng mga bakla dapat sa atin lang. Wag na natin ipagpalandakan sa tao yan. Lumugar tayo sa tamang lugar. Kung ikaw ay babaeng babae at hindi ka mabubuking, eh di, lumusot ka sa banyo ng pambabae. Kung hindi ka makalusot, anong problema mo?” matod pa ni Reyes.
Siya midugang nga “bakit ba tayo pupunta ng mga bar ipagpilitan mo na girl ka? Eh may bar naman para sa mga bading. Doon ka sa lugar natin. Huwag mong ipagsaksakan ang sarili mo sa hindi ka matatanggap. Let it be nalang. Ang bakla ay bakla. Gilingin mo man yan paglabas niyan ay baklang hamburger. Ang pagpakasal ibigay natin sa babae at lalaki yan.’ matod pa ni Reyes. Buot ipasabot nga dako siyang supak sa same sex marriages. Daghan pod og mga bakla nga sama niya og baruganan. (bobbygnalzaro@gmail.com)