SECTIONS
Sunday, September 22, 2019
SUPERBALITA DAVAO

Editoryal: Pulis nga magpabadlong

MORA’G gipangsobhan og tubig ang mga pulis sa Davao Region nga mitambong alang sa pag-abli sa “Madayaw” Program (MAking Every DAY A Way of Change), niadtong Martes didto sa Camp Sgt. Quintin Merecido, Buhangin, Davao City.

Nangduko ug gipang-sermonan ni Police Regional Office (PRO) Davao Region director Brigadier General Marcelo Morales ang mga pulis sa pipila ka reyalidad nga nahitabo sa ilang hanay.

Unang gibatbat nga isyu ni Morales mao nga dunay daghang issued firearms sa mga pulis ang nangawala atol sa ilang regular nga inventory niini.

Laing isyu nga gihisgutan nga nipasamot sa kahilom sa palibot ug maoy nakapaduko sa ubang mga pulis mao nga dunay pipila kanila nakig-relasyon sa dunay asawa.

“May mga asawa yung iba, makikipag-relationship sa kapwa niya pulis na may asawa din,” tipik sa pamulong ni Morales.

Giingon sa opisyal nga kung dili kini matagad nga problema daw mawad-an og respeto ang hanay sa kapulisan.

“Kung hindi natin paparusan yung mga katulad nung ganon, ano ang sasabihin ng mga matitinong pulis? Ah okay lang pala yan gumawa tayo nga panay kabastusan dito sa PNP, walang nakakasalin sa atin didto dahil kapari-pariha tayong pulis... nagkakamali kayo, hanggat ako’y nandito nagkakamali kayo. Hindi kayo oobra sa akin,” ni Morales.

Dugang ni Morales nga bisan police colonel ang ranggo sa pulis, i-apil suma pa sa maong training aron ipakita sa mga pulis nga naa sa ubos nga walay gipili ang pagpahamtang sa silot.

Gihimo kini ni Morales kay makita gayod nga nanagko nalang ang ulo sa pipila ka pulis diha sa ilang padayong pagpabuyag.

Ang gihimo ni Morales usa ka pagpukaw sa dugay na nga nahikatulog nga maayong sistema sa pulisya, di lamang ning rehiyon apan sa tibuok nasud.

Pinaagi ning maong programa, magmatngon unta ang mga bugoy nga pulis aron masilsil sa ilang alimpatakan nga sayang gyud diay ang ranggo ug posisyon kung mahitabo na ang pagsilot kanila diha sa ilang mga sala.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph