GIBUTYAG sa Department of Labor and Employment (Dole)-Central Visayas nga walay request nga nadawat ang ilang ahensiya nga nag-verify sa mga working permit sa mga Chinese national nga nasikop sa raid sa Criminal Investigation and Detention Group (CIDG)-Central Visayas niadtong Septiyembre 7, Sabado.
Apan giklaro ni DOLE 7 regional director Salome Siaton nga adunay permit ang Xin Huang Jin Cheng Co. Ltd. Inc. (XHJC, Inc.), gikan sa ilahang ahensiya ug niabot na gani sa kapin 2,000 ka mga kawani niini nga Chinese ang ni-apply og Alien Employment Permit.
Dugang sa direktor nga bag-o ang raid ug bisan human sa raid, wala gi-verify sa CIDG ang mga AEP sa mga Chinese nga nasikop niini ug dili maka-verify ang Dole-Central Visayas tungod kay wala sila’y mga ngalan niini.
Pasabot usab ni Siaton nga bisan paman og wala pa nila kini mahatagi og AEP, mamahimo gihapon silang mahatagan og provisional work permit sa Bureau of Immigration.
“No coordination. Sana nag-verify sila kasi di natin masabi, subject for verification yan eh,” nagkanayon si Siation.
Dugang niini nga usa ka tuig ang labing mubo nga AEP, apan mahimo sila nga mo-renew niini o mo-extend, kana kon nagtrabaho gihapon sila sa susamang kompaniya.
Si Ricardo Uy, Casino Filipino Cebu Branch Manager, nagkanayon nga dili moagi sa Philippimne Amusement and Gaming Cor. (Pagcor)OR branches ang Philippine Offshore Gaming Operators (POGO) nga permit kundi adto ra a Offshore Gaming Licensing Department. (HBL)