SECTIONS
Friday, September 20, 2019
SUPERBALITA CEBU

Nahadlok sa karneng baboy?

NIHINAY ang palit sa karneng baboy sa mga merkado sa Dakbayan sa Sugbo, labi na sa Unit II sa Carbon Market.

Ang mga tindera nitumbok sa African swine fever (ASF) nga maoy bugtong hinungdan sa pagkunhod sa palit sa karneng baboy.

Si Ramona Biñas, meat vendor, nibutyag nga naapektohan ang ilang pagpaninda gumikan sa pag-abot sa ASF didto sa Luzon.

“Walay halin, tungod siguro na sa swine fever ba. Hadlok ang mga tawo mokaon og baboy pero wala man gud na maapektohan atong mga baboy ug dili sab na motakod sa tawo, sa baboy ra na moepekto,” pagpasabot ni Biñas.

Ang iyang higala nga si Jenefer Navaja, kinsa sama kaniya namaligya sab og karne, sama og pagtuo niya.

“Karon adlawa (kagahapon) pwerte gyung mingawa sa halin sa baboy. Naa pay daghan sobra tungod anang news nga swine flu, wa na siguro ganahi mokaon og baboy ang mga tawo, “padayag ni Navaja.

Niadto pang Agusto nisugod og hinay ang halin sa baboy gumikan sa balita nga adunay ASF.

Ang mga opisyal sa Department of Veterinary Medicine and Fisheries (DVMF) sa Siyudad sa Sugbo nipasabot nga ang ASF adto ra motakboy sa mga binuhing baboy, di sa tawo,.

Ang karne nga adunay tatak gikan sa National Meat Inspection Service sigurado nga luwas kan-on sanglit gipaubos sa pakisusi. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph