SECTIONS
Thursday, September 19, 2019
SUPERBALITA CEBU

Bulacao 2-0 na sa Talisay Mayor’s Cup

GIHAGDAW sa Bulacao ang ilang ikaduhang sunodsunod nga kadaugan pinaagi sa pagpatapsing sa Lawaan I, 82-79, sa Juniors division sa Talisay City Mayor’s Cup 2019 Inter-Barangay Basketball Tournament niadtong Lunes sa gabii, Septiyembre 9, 2019, sa Talisay City Sports Complex.

Ang balansing ataki sa Bulacao nga gipangulohan ni Junel Cabarubias kinsa may 15 puntos, Alexis Deonoso ug John Nepangue nga mitali og tag 12 puntos matag usa, maoy nahimong mahait nga hinagiban sa kadaugan. Si Ken Camangga mipaksit og 18 puntos alang sa Lawaan I kinsa nahagba sa ilang ikaduhang daog.

Samtang sa laing bahin, narehistro usab sa Lawaan 3 ang ilang ikaduhang daog sulod sa tulo ka duwa, 91-89, batok sa Mohon. Si Jose Algoso maoy migiya sa Lawaan 3 pinaagi sa iyang 22 puntos nga gidugangan usab og 20 puntos ni Vincent Barliso.

Ang kapildihan nagbaliwala sa pagpakatap ni Keaton Taburnal og 40 puntos, gawas sa iyang unom ka steals. Kadto maoy ikaduhang pildi sa Mohon sa tulo ka duwa.

Sa seniors division, ang Manipis milabni sa ilang unang daog, 87-78, batok sa San Roque ubos sa pagpangulo ni Khim Caballero nga may 29 puntos ug siyam ka rebounds.

Gidispatsar usab sa Tangke ang Maghaway, 101-85, alang sa ilang 1-1 nga baraha. Ang Maghaway nasugamak sa ilang ikaduhang pildi. (Taho gikan ni Jonas Panerio sa Sun.Star Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph