SECTIONS
Thursday, September 19, 2019
SUPERBALITA CEBU

Lancers musogod na sa pagdepensa

PORMAL nga sugdan karong adlawa ang pagdepensa sa University of the Visayas (UV) Green Lancers ang ilang titulo pinaagi sa pagpakigsangka sa University of San Carlos (USC) Warriors sa 2019 Cesafi men’s basketball tournament sa Cebu Coliseum.

Giangkon ni UV head coach Garry Cortes nga kombinasyon sa mga beterano ug bag-ong players ang Lancers karon apan bisan pa niini, apan sa gihapon nagpabilin siyang masaligon sa team ilabi na nakapahigayon sila og igong preparasyon.

Hinuon, iyang gikonsiderar nga usa ka dakong pagsuway ilabi na sa iyang mga rookie players ang pagpakigsangka sa Warriors kinsa gihulagway nga usa sa mga title-contenders sa karong nga season.

“Kombinasyon ni sa mga beterano ug bag-ong players pero andam ta moduwa ug mo-challenge sa tanang Cesafi teams,” matod ni Cortes sa dihang gikahinabi ni Jonas Panerio sa Sun.Star Cebu.

Gilakbitan ni Cortes ang iyang mga beteranong guards nga sila si Sheldon Gahi ug Gileant Delator, forwards Jancork Cabahug, Michael Maestre ug Melvin Butohan nga moabaga usab sa ilang foreign student-athlete Lass Coulibaly sa Ivory Coast.

Ang USC sa ilang bahin, mosuway pagsumpay sa ilang overtime nga kadaugan nga naangkon batok sa University of Southern Philippines-Foundation (USP-F) Panthers, 80-75.

Ang depensa may hugot nga gitutokan karon ni USC head coach Bong Abad kinsa mipadayag nga ilang gipangandaman og maayo kining ilang pagpakigsangka sa three-time succesive champions.

Si Sommy Managor, ang Nigerian forward nga mihagdaw og 28 puntos batok sa Panthers maoy moparang ni Coulibay sa ilawom nga bahin. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph