NAKABSAN sa kinabuhi ang usa ka 45 anyos nga lalaki human nabangga ang gimanehong motorsiklo mga alas 4:55 sa hapon, adlaw’ng Martes, Septiyembre 10, sa Zone 3, Molugan, El Salvador City.
Giila ang biktima nga mao si Rosario G. Espiritu, 45, minyo, taga Molugan, El Salvador.
Sa imbestigasyon sa kapolisan, sakay si Espiritu sa iyang motorsiklo nga walay plaka.
Apan nahulog kini sa kilid nga bahin sa kalsada maoy hinungdan nga mibangga sa punoan sa balete.
Tungod sa kusog nga impact, dili tiaw ang kadaot sa lawas naangkon sa biktima nga maoy hinungdan sa iyang hinanaling kamatayon.