SUPERBALITA CAGAYAN DE ORO

Katawhan mihangyo ibalik ang MisOr Cares

HATAGAN og gibug-aton sa Misamis Oriental Care System (MisOr Cares) ang yangongo sa pipila ka Misamisnon nga naghangyo pagpabalik niini human sa hangyo sa mga opisyal sa barangay.

Niadtong niaging semana, naghangyo sab ang pipila ka mga tawo diha sa hawanan sa Kapitolyo bitbit ang placard. Aminado si Prexy Elipe nga nakurat siya sa pipila nga nianha sa Kapitolyo ug nagpaabot sa ilang hangyo.

“Ang inyong gibuhat karon nakita na sa Gobernador nato karon nga gusto padiay ninyo ibalik ang MisOr Care,” matud ni Elipe.

Dugang niini nga kung dili gusto ang katawhan, dili nalang pod kini ibalik. Sa pagkakaron tun-an kini lakip ang teknikal nga aspeto sa pagpabalik niini.

Gani, gibutyag ni Elipe nga ilang gilantaw ang lawom nga rason nganong niadtong kampanya mas gipili sa katawhan ang mibarog nga walaon ang programa.

“Walay lain gidala nga kampanya ni (Board Member) Jessa Mugot ug Vice Governor Jigjag Pelaez sa ilang pagpangampanya, kon dili ang pag-undang sa MisOr Cares. Murag ang mga tao mao man ilang gitouhan. So, mao na among gusto makita unsa ba gyod rason nganong gisuportahan sa mga tao ang kandidato nga supak sa MisOr Cares,” matud ni Elipe.

Matud niya ang ilang pagserbisyo dili lang limitado sa ga suporta sa Padayon Pilipino hinungdan ilang gisuta ang lawom nga rason niini karon panahona.

Si Governor Bambi Emano, sa iyang bahin, hugtanon namahayay dili usa kini mabalik sa pagkakaron kay gipaabot ang implementasyon sa Universal Health Care Law.

Hangyo niini nga didto usa moduol sa local government unit o ba kaha sa Department of Social Welfare and Development.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph