SUPERBALITA CAGAYAN DE ORO

Nang-block og porn site nagpatuong taga RCB

NAALARMA ang Regulatory and Complaint Board (RCB) human dunay upat ka mga indibidwal nga nidangop sa ilang buhatan aron mangayo og resibo tungod kay giinspeksiyon na sa technician sa maong buhatan.

Nipasabot ang RCB nga wala silay gitudlo nga awtorisadong technician nga mo-block sa mga porn site sa mga internet shop.

Sa pakighinabi ngadto na kay inspectorate team leader Antonio Resma Jr., gibutyag niini nga medyo naalarma sila sa maong panghitabo.

“Medyo naalarma ta kay ang klaro sa ordinansa naay obligasiyon lang atoang operator nga mo block. Wala man tay gi indorso, wala man tay gi accredit, or wala sab tay gitudlo nga kani ra gyud siya ang pwedi mo block nga tao,” matud ni Resma.

Giklaro sa RCB dili sila maoy mangolekta sa mga multa sa nakalapas atol sa inspeksiyon.

“Atong gipahibalo nga ang RCB dili ta gakolekta, wala tay collection. Ang inspectorate team dili na sila authorized modawat sa kwarta sa payment lugar kay ang collection dinhi ra gyud dapat sa City Finance Office,” dugang pa.

Nabalaka sila niini nga kalihokan ilabi na nga posibleng magtuo ang mga operator nga dili na sila inspeksiyonon ilabi na nga duna nay nag-inspeksiyon nga technician.

Giingong mangayo og tag P100 matag unit computer ang nagpatuong technician sa RCB ngadto sa mga tag-iya aron ma-block ang porn site.

Giklaro ni Resma nga dili sila supak sa panginabuhian sa mga technician apan dili lang dalhon ang ngalan sa RCB.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph