SECTIONS
Friday, September 20, 2019
SUPERBALITA CAGAYAN DE ORO

Asawa sapon dunay 37 ka uyab

NASUTA sa bana nga dunay 37 ka mga uyab ang iyang asawa ug niuban kini sa usa niini niadtong Septiyembre 11 sa Barangay Bonbon, Cagayan de Oro.

Ang maong bana naila nga si Ruben (bansagon gitago), 42, ug residente sa maong dapit.

Ang asawa nag-edad og 38 kinsa nilayas na sa ilang panimalay hinundan nga gipa-police blotter na sa bana.

Sa pakighinabi kang Ruben, gikabutyag niini nga upat pa ang na kumpirma nga iyang aktibong uyab nga anaa sa siyudad. Apan, mokabat sa 37 ang uyab niini diha sa social media human nga nakuha niini ang iyang sim card.

“Tan-awon nimo sa Facebook, 37 kabuok iyang uyab. Upat pa akong na-verify nga sila gyud. Nitug-an man ang laki. Naka move-on nako. Ang isa pa gyud, ang nakaparat, ang silingan namo isa. Iya man diay gihapong kabit. Mao diay hinatod,” matud niini.

Samtang gibutyag sa bana nga nakamata nalang kini nga wala na ang iyang asawa ug giingong dunay nakakita nga niuban sa laing lalaki.

“Unsaon, pagbalik nga gikuha naman sa laki gabii mga ala 1:00. Naa may nakakita. Grabe ni nga bayhana. Di na angay pasayloon. Ni kaupat na niya gibuhat sa ako ba,” dugang pa.

Na-istorya usab sa bana ang giingong usa sa mga kabit nga si alyas Gerry, ulitawo, lumad nga taga Zamboanga ug niangkon nga gipalitan niya og mga gamit sama sa sinina, pantalon, rice cooker ug uban pa sulod na usab sa tulo ka tuig nga nagka-uyab.

Gidugang pa niini nga nakigbulag na kini, kay lage, makaguba og pamilya. Apan, nagpatuo ang babaye nga ang iyang bana tua sa gawas ug maoy unang nagbinuang.

Sa pagsulat niini nga balita Miyerkules, nakatala na sa buhatan sa kapulisan ang maong insidente samtang wala pa nasayran ang nahimutangan sa maong asawa. Kung buot usab niini nga mohatag sa iyang panig bukas usab ang Superbalita Cagayan de Oro.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph