Sorry coach: Pacman

WALA tuyoang napasakitan ni pound-for-pound champion Manny Pacquiao ang iyang American trainer nga si Freddie Roach nag-punch mitt sila sulod sa 15 ka rounds nga wala’y undang-undang sa Wild Card gym sa California.

“Sorry coach, sorry,” matod ni Pacquiao human natapsingan sa iyang right hook ang apapangig ni Roach sa usa ka artikulo nga nigawas sa www.abs-cbnnews.com.

"The Manny Pacquiao Blog". Click here for stories and updates on the Filipino boxing champ.

Si Roach, kinsa nagselebrar sa iyang ika-50 nga adlawng natawhan niadtong Sabado (RP time), nagpakulata sab gyud og maayo sa bodega, hinuon nagsul-ob siya og three-inch body armor.

Giangkon ni Roach nga nasakitan gyud siya apan wala kini niya panumbalinga kay apil kini sa iyang trabaho.

“He hurts me and knocks the wind off me sometimes,” matod ni Roach.

Gusto ni Roach nga atakihon gyud ni Pacquiao sa bodega si Joshua Clottey karong Marso 14 sa Dallas Cowboys Stadium kay sa iyang pagtuo mao kini ang magpatumba sa Ghanaian sa labing unang higayon.

“Kill the body,” kanunayng pahimangno ni Roach sulod sa 15-round nila ni Pacquiao sa mitts.

Nagtuo si Roach nga wala pa gyud sukad naigo ang bodega ni Clottey og kumo nga sama ka kusog sa kumo ni Pacquiao.

Human sa 15 ka rounds, niundang na si Roach apan si Pacquiao mihangyo pa og dugang rounds. Mibalibad na si Roach.

Pagkabuntag una siya nag-ensayo sa mitts, si Pacquiao mi-jogging sa Mount Lee, ang labing taas nga bukid sa Los Angeles diin sa ibabaw makita ang bantugang Hollywood Sign.

“Lumampas pa ako doon sa sign. That was my longest run in training and it took me more than an hour to get to the top. It was like running a marathon uphill. Grabe talaga,” matod ni Pacquiao.