NAKABWELO na ang atong kabomberohan sa ilang kampanya labot sa paglikay sa sunog. Ubos sa tema nga naglambigit sa komunidad isip kaabag sa paglikay sa sunog daghan ang mipakita sa ilang pagpakabana pinaagi sa paghimo og mga lakang nga makorehian ang posibleng tinubdan sa alarma sa sunog.

Naka kita ko og mga panimalay nga nag re-wiring sa ilang supply sa kuryente. Dunay namalit og drum aron kapundohan og tubig.

Namalit sab sila og sako nga binandahan kay mao ni ilang ihumol sa tubig og ihabol sa nagsiga nga bahin sa ilang panimalay.

Giablihan nila ang likod nga bahin sa ilang balay isip fire exit. Ang uban namalit og hose ug ang mga arang-arangan namalit og fire extinguisher.

"The Manny Pacquiao Blog". Click here for stories and updates on the Filipino boxing champ.

Duna ko’y nakitang opisina og bodega nga ang nag gamit og dry powder nga fire extinguisher. Akong nasayran nindot ni siya nga matang sa fire extinguisher kay di na kinahanglan nga mangunay ka og operate. Kong mainitan ang iyang sensor mobuhagay lang dayon ang dry powder og maproteksyonan ang mga butang sud sa ilang opisina og bodega. Nindot ni ilabi na kon ang sunog mahitabo sa oras nga way tawo nga nagtikaw tikaw. Para nako nindot sab ni nga gamiton diha sa atong panimalay.

EPEKTIBO

Unsa ka tinuod nga kulangan og usa ka fire truck ang atong kabomberohan sa dakbayan sa Sugbo kay napakyas sila pagtuman sa ilang obligasyon sa usa ka repair shop mao nga wa pa sab ma-release ang maong fire truck. Anugon kaayo kay ang usa ka fire truck dako kaayo og papel sa pagpakig-away sa kayo.

Ang uban ganing lugar way fire truck unya tugutan lang nato nga magpuyo ang fire truck sa repair shop nga unta dugay naman ni nga nahuman og ayo. Way ayo.

Naghisgot ta og fire prevention aron mahimong epektibo ang operasyon sa atong mga bombero sa dapit nga gi-alarma og sunog.

Hangyo ni SFO4 Danilo Almendra, hepe sa Pahina Central Fire Station, palihog ayaw mo pangilog og fire hose. Pasagdai ninyo ang mga bombero sa ilang trabaho.

Hinuon dunay mga sitwasyon nga magpatabang sila og bunlot sa hose, apan kanang kamoy magbuot asa ipunting ang noozle sa hose wa namo’y labot ana. Makadaghan na ni mahitabo, gani halos tanang alarma sa sunog mag-apil-apil gyud ang mga tawo.

Gikinahanglan sa mga bombero ang inyong tabang pero para di malawgaw ang operasyon ayaw ninyo sila but-i sa inyong gusto.

Nakasabot ta nga maniguro ang uban nga di maapil ang ilang balay apan kanang atong mga bombero nahibalo na sila kong unsay angay nga buhaton.

Ang pait pa gyud unya’g human sa alarma mang-gawas dayon ang estorya nga kining balay, kadto siya lakas o kaila sa bombero, o dunay padangog mao nga giatngan sa mga bombero ang maong balay. Pulos pasangil lang kini nga angayang pamatud-an.