BUGTONG nilang gisaligan mao ang suporta sa katawhan. Ug ang bukton sa minilyon nga mga Pilipino kanila nanalipod.

Wala silay koneksyon sa mga naghupot sa gahom. Gigukod ang ilang mga sakop o kaalyado pinaagi sa mga katuohan dili nga desisyon sa Comelec.

"The Manny Pacquiao Blog". Click here for stories and updates on the Filipino boxing champ.

Kinsay makalimot ni Grace Padaca, usa ka komentarista sa radyo nga nibuntog sa  gamhanan nga pamilyang Dy? Sa usa ka pag-analisar nga gihimo ni Prof. Winnie Monsod iyang nadiskubre kung giunsa pagsyakoy sa Comelec ang tinood nga tingog sa katawhan sa Isabela.

Sa iyang ikaduhang pagdagan niadtong 2007 pagkagobernador, gipildi na usab ni Grace Padaca ang laing Dy – si Benjamin Dy. Nipasaka og protesta ang nauwahi.

Matud ni Monsod, giihap pabor kang Benjamin Dy ang Faustino Dy nga gisuwat sa botante samtang kon nisuwat ang botante og Gris Padaca o Grace Padacca (doble nga letra C) wala kini ipha pabor ni Grace.

Kinsa ang makalimot sa People Power sa Pampanga dihang nidaug si Fr. Ed Panlilio batok sa mga higala ni Gloria “Hello Garci” Arroyo niadtong 2007? Niprotesta ang kontra ni Panlilio nga si Lilia Pineda, ang asawa sa gidudahang jueteng lord nga si Boy Pineda.

Ang pangan nga Nanay Baby giihap pabor kang Pineda. Apan ang ngan nga Ed o Among wa giihap pabor kang Panlilio.

Hangtod karon daghan pang lugar sa Pilipinas nga walay posters ni Noynoy ug Mar. Klaro nga dili nila masakbangan ang salapi sa ilang kaatbang. Dunay mga politiko nga nagdumili pagsuporta kanila sa bugtong hinungdan nga way sapi ang tamde ni ‘Noy-Mar.

Apan sa kinuwahiang survey sa Pulse Asia nisulbong ang rating ni Aquino (36 porsiento), nga gisundan ni Villar (29), Estrada (18), Teodoro (7), Villanueva (2) ug Gordon (1). Sa pagka bise presidente, nisukarap si Loren Legarda nga nakakuha lang ug 27 porsiento. Itandi kana sa 43 porsiento ni Mar Roxas! Usa ra ang naglanog-lanog nga rason nga gihatag sa katawhan sa ilang pagpili ni Noynoy ug Mar: dili sila korap.

Human sa siyam ka tuig nga giguyod ni Arroyo ang nasud ngadto sa di maihap nga eskandalo sa korapsyon diin nalambigit ang iyang pamilya, nangita karon ang katawhan sa tawo nga naghupot sa mga mithi nga wa batoni sa kasamtang peke nga presidente.

Busa, bisan kinsa nga diretso o sekreto nga i-endorso ni Arroyo mahiagom sa kasuko sa katawhan.

Dunay kinutuban ang gahom sa salapi o makinarya.

(birada_ruphil@yahoo.com)