GISUGYOT ni kanhi Gilas Pilipinas coach Yeng Guiao nga i-adjust ang schedules sa PBA ug ingon man ang pagpahigayon og regular training camps sa Europe atol sa ilang pagpakigkita sa mga kadagkuan sa Samahang Basketball ng Pilipinas (SBP).
Kini taliwala sa makapasagmuyo nga performance sa Gilas sa Fiba World Cup diin wala gyud silay nadag-an sulod sa lima ka duwa.
Ang kakuwang sa preparasyon tungod sa schedules sa PBA maoy gitumbok nga usa sa hinungdan niini.
Matod ni Guiao nga dili lang nga mub-on ang schedules sa PBA kon dili sayohon usab kini sa pagpahigayon aron dili ma-conflict ilabi na nga gi-adapt karon sa Fiba ang home-and-away format sa qualifying rounds.
“Actually, sinuggest ko rin ‘yan,” matod ni Guiao, kalabot sa pagpamubo sa PBA season. “Ang sinasabi ko rin kahapon sa usapan namin, kung kunyari this year, meron tayong importanteng international commitment, hindi puwedeng this year lang, aayusin mo ‘yung schedule ng PBA. Dapat, three years, four years advance, meron ka nang window to train your national team.” (JBM)