PORMAL nga gibuksan ni Presidente Gloria Macapagal-Arroyo niadtong Biyernes ang una sa tulo ka 82-megawatt nga coal-fired power plant sa Cebu Energy Development Corporation (CEDC) didto sa dakbayan sa Toledo.

Ang maong planta maka-supply og 72 megawatts ug makasapar na sa panginahanglan sa Sugbo sa dagitab kon elektrisidad.

"The Manny Pacquiao Blog". Click here for stories and updates on the Filipino boxing champ.

Maundang na niini ang mga brownout ug makapahuway na sab si Ethel Natera, tigpamaba sa Visayan Electric Company (Veco), sa iyang mga media advisory sa brownout.

***

Gipasalamatan si Presidente Arroyo ang CEDC sa pagbubo og puhonan sa sektor sa elektrisidad.

Ang tulo ka planta sa dakbayan sa Toledo nga dunay installed capacity nga 246 megawatts mobalor og $450 milyunes o labing menos P20 bilyunes.

Ang ikaduhang planta magsugod og operate sa hinapos sa buwan sa Mayo samtang ang ikatulo adto na sa hinapos sa buwan sa Disyembre.

Syarog maigo pa gyud tag brownout ini.

***

Di ra ba lalim kon mag-brownout kay matod pas taga Cabadiangan, mas maayo pa niadtong wa pay kuryente kay way brownout.

Lisod sab kon wa kay suga, matod pa sa usa ka pasiaw, kay kinahanglan pa kang magdagkot og kandila aron makatan-aw og TV.

Bitaw, lahi gyud kon dunay elektrisidad kay nanga-anad na man ta nga moinom og tubig bugnaw, maapektahan ang ginagmay nga negusyo sama sa ice water, ice candy ug kadtong namaligyag ice.

Delikado sab sa sunog simbako kon ngitngit sa gabii kay mapugos kag dagkot og kandila o kaha lamparilya nga dali kaayong matumba og matandogan sa iring.

***

Gitaktak sa trabaho ni Cebu City Mayor Tommy Osmeña ang 31 ka mga traffic enforcers nga giakusahang nangilkil sa mga motorist ug mga drayber nga nakahimog kalapasan sa lagda sa trapiko.

Way hearing-hearing, lagpot diretso.

Matod pas mayor: “Under normal circumstances, you are innocent until proven guilty. Not if I hire you. I don’t have the time to go around to investigate; you just prove to me that you are innocent and if you can’t prove it, sorry, you’re fired.”

Angay nang mag-amping ang mga drayber karon kay ang nahibiling mga traffic enforcers magduha-duha na sa pagdawat sa ilang suburno.

***

Ang gusto gyud diay unta sa mayor mao nga ang Citom board maoy morekomendar sa pagpataktak sa maong mga traffic enforcers.

“They should be the one to say, ‘Fire them’ and then I say, ‘Oh, what can I do?” Pontius Pilate na lang unta ko ba. Ako nahimong executioner, they are not even candidates, unfair kaayo ba,” matod pa niya.

Gusto unta siyang mag Pilato na lang, pero unsaon nga layo pa man ang Semana Santa.