MGA batang nagpanuigon og 3-5 anyos nga nagtungha sa daycare center gipaubos sa kabomberuhan sa syudad sa Talisay sa ilang Oplan Ligtas sa Pamayanan (OLP).
Ang programa mao ang pagpasabot sa katawhan kon unsaon paglikay sa sunog ug unsay buhaton kon adunay sunog.
Gitug-an ni Fire Senior Inspector Arra Alpajaro, fire marshal, nga kay pipila na ka mga insedente sa mga mahitabong sunog sa tibuok rehiyon, uban niini gitan-aw nga mga bata ang likud sa sinugdanan sa sunog.
Aduna usay pipila sa sunog nga adunay mga nakalas diin kasagaran usab mga bata.
Sukad niadtong Hulyo atol sa Disaster Resilience month, ug hangtud karon, gihingusgan nila ang maong programa.
“Every week, we have visitors from the day care, and do simulation drills sa elementary ug high school, para incase naay emergency sa school. Kasi as early as day care pupils, dapat malaman na nila, kasi iba na ang thinking ng mga bata, marunong na gumamit ng mga gadget. Before magduwa lang ta sa gawas, but now more on gadget. Sila na mag-charge pa ng gadget,” pasabot ni Alpajaro.
“So we remind them or teach them na as early as their age sa mga gagawin nila, na kung meron sunog and prevention din sa panimalay. Para alam din nila na ang match sticks, dili angay dulaan kay maka-cause gyud og sunog,” dugang sa fire marshal.
Gawas sa mga makalingaw nga lecture, anaa ang gipagunit sila sa fire hose, sa fire extinguisher ug labaw sa tanan, kon unsaon nila nga makaikyas nga luwas gikan sa balay o bisan unsa nga straktura nga nagsugod na ang sunog.
Apan labaw na aron dili maoy makatampo sa sunog.
Nihimo usab og kada semana nga simulation drills sa mga elementary ug high school.
Nag-una nga gitutukan sa Talisay City mao ang mga barangay Tangke, Tabunok ug Lawaan, diin daghan ug dug-ol ang mga balay.
“We will post a sticker sa mga napuntahan na na area. Ibig sabihin, nabigyan natin sila ng fire fighting lectures and drills. The sticker ang susama og pag-sensus, pag-signify nga ang usa ka balay na-survey na ug nahatagan na og basic fire fighting (techniques), unsay anagay buhaton kon adunay sunog ug unsaon ang pag-prevent,” dugang ni Alpajaro.