30 ka banda sa konsiyerto alang sa World Peace Day sa Cebu City

ANG World Peace Day sa United Nation (UN) saulogon sa dakbayan sa Sugbo karong Septiyembre 21, Sabado, pinaagi sa dakong konsiyerto sa mga lokal nga banda sa Plaza Independencia gikan sa alas 4:00 sa hapon ngadto sa alas 12:00 sa tungang gabii.

Ang kasaulogan sugdan sa usa ka parada sa mga tinun-an ug nagkalainlaing grupo nga nagpakabana alang sa kalinaw gikan sa Fuente Osmeña Circle padulong sa Plaza Independencia.

Ang kalihokan gipresentar sa Lemmonhead ug kagamhanan sa dakbayan sa Sugbo nga nagdala sa tema nga “Climate: An Action for Peace Concert.”

Dili mominos 30 ka mga mga banda ang mopasundayag ug solo artist sama ni Caloy nga usa ka langyaw nga hilig mokanta og mga Bisaya nga awit nga nag-viral social media nga ‘Bisan Asa’ nga naa na Spotify, iTunes, Deezer, Amazon ug digital store worldwide.

Ang mga banda naglakip sa Assembly Language, Ossified, Redstremes, Project Sandugo, Gangeez, Emulate, The Frabs, Frostburn, D’Outsiders, Emperianz, Xylnt Brix, Ryle Jhon Monacar, Jake Gomez, Ogie and the Cockroaches, Rubberband, Selim, Kasikas, Dodong Vai Kurt, Ngilngig Pas Humba, Gregore, Milkyway, Led Nebril, Kikivah, Khey Villacorta, Jonel Alia, Redstremes, Project Sandugo sa Ormoc City ug daghan pang ubang surprisa.

Ang sponsors naglakip sa Tiger Beer, Love Radio 97.9, Superbalita Cebu, Globe, ug Bisdak Radio

Ang World Peace Day usa sa mga tinuig nga kalihokan sa United Nation (UN) matag Septiyembre 21 aron pagpalambo sa kalinaw sa tibuok kalibotan labi na ngadto sa mga bag-ong henerasyon.

Samtang, ang Assembly Language mopasundayag usab sa programa sa pag-abli sa Cebu Press Freedom Week sa samang adlaw, alas 8:00 sa buntag, sa Social Hall sa Cebu Provincial Capitol. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph